டிசம்பர் 15-ல் வருகிறது பஜாஜின் 400சிசி Dominar பைக்!

இந்தியாவின் பைக் மார்க்கெட்டில், பெர்ஃபாமென்ஸ் பைக்குகளைப் பொறுத்தவரை, பஜாஜ் நிறுவனத்தின் பல்ஸர் பைக்கைப் போல அதிக ரசிகர்களை வேறு எந்த தயாரிப்பும் கவர்ந்ததில்லை. பல்ஸர் பைக்குகள் அறிமுகமாகி 15 வருடங்கள் ஆன நிலையில், தற்போது அனைவரது பார்வையையும் தன் பக்கம் திருப்பியுள்ளது பஜாஜ்.

 

 

இந்த நிறுவனத்தின் புதிய 400சிசி பைக்கின் தயாரிப்பு பணிகள் ஏற்கனவே அதிகாரப்பூர்வமாக துவங்கிவிட்டன. இதில் ஸ்பெஷலான விஷயம் என்னவென்றால், பைக்கின் அசெம்பிளி லைனில் இருக்கும் அனைவரும் பெண்கள் என்பது தான்! இந்தியாவில் வரும் டிசம்பர் 15, 2016 அன்று, Dominar என்ற பெயருடைய இந்த 400சிசி பைக்கை பஜாஜ் விற்பனைக்கு கொண்டு வர இருக்கிறது. ஆக ஒரு புதிய பிராண்டின் முதல் பைக்காக இது களமிறங்க இருப்பது உறுதியாகியுள்ளது. 

 

தவிர பஜாஜின் பவர்ஃபுல்லான, விலை உயர்ந்த பைக்காக, Dominar பொசிஷன் செய்யப்பட உள்ளது. இதில் கேடிஎம் டியூக் 390 / RC 390 பைக்கில் இருக்கும் அதே லிக்விட் கூலிங், 4 வால்வு DOHC, ஃப்யூல் இன்ஜெக்‌ஷன் சிஸ்டத்தைக் கொண்டுள்ள 373.2சிசி இன்ஜின் - 6 ஸ்பீடு கியர்பாக்ஸ் அமைப்பு பொருத்தப்பட்டுள்ளது. ஆனால் பஜாஜ் பைக்குகளுக்கே உரித்தான Triple Spark Plug தொழில்நுட்பத்துடன், சுமார் 35bhp பவர் & 3kgm டார்க்கை வெளிப்படுத்தும் விதத்தில் இன்ஜின் ரி-ட்யூன் செய்யப்பட்டிருப்பதற்கான சாத்தியங்கள் அதிகம்.

 

கடந்த 2014 டெல்லி ஆட்டோ எக்ஸ்போவில், பல்ஸர் CS400 என்ற பைக்கை பஜாஜ் காட்சிபடுத்தியது அனைவரும் அறிந்ததே. அந்த கான்செப்ட் பைக்கில் இருந்த LED ஹெட்லைட் - இண்டிகேட்டர் - டெயில் லைட், ஸ்பிளிட் டிஜிட்டல் இன்ஸ்ட்ரூமென்ட் கிளஸ்டர், மோனோஷாக் சஸ்பென்ஷன் ஆகியவை தொடர்ந்தாலும், முன்பக்க USD ஃபோர்க்குக்குப் பதிலாக வழக்கமான டெலிஸ்கோபிக் ஃபோர்க் பயன்படுத்தப்பட்டுள்ளது, சிலருக்கு ஏமாற்றமாக இருக்கலாம்.

 

 

ஆனால் ஒற்றை இருக்கை, இருவர் வசதியாக உட்கார்ந்து செல்லும்படியான ஸ்பிளிட் சீட்டாக மாற்றியமைக்கப்பட்டுள்ளது. பைக்கின் இருபுறமும் இருக்கும் பெட்டல் டிஸ்க் பிரேக் செட்-அப்பிற்கு, டூயல் சேனல் ஏபிஎஸ் ஆப்ஷனலாக அளிக்கப்படும் என்பது ப்ளஸ். பெனெல்லி TNT25, ஹோண்டா CBR250R, மஹிந்திரா மோஜோ, ராயல் என்ஃபீல்டு தண்டர்பேர்டு ஆகிய பைக்குகளுக்குப் போட்டியாக இருக்கப்போகும் இந்த Dominar 400சிசி பைக்கின் ஆன் ரோடு விலை, சுமார் 2 லட்சத்துக்குள் இருக்கும். 

 

ஒட்டுமொத்தமாகப் பார்க்கும்போது, பல்ஸர் 200NS மற்றும் கேடிஎம் டியுக் 200 பைக்குகளின் இடையே இருக்கும் ஒற்றுமைகள் எப்படியோ, அதே போல பஜாஜின் Dominar 400சிசி பைக் மற்றும் டியூக் 390 இடையேவும் சில ஒற்றுமைகள் இருக்கின்றன. தற்போது அடுத்த ஆண்டில் வரவிருக்கும் BS-IV மாசு கட்டுப்பாடு விதிகளுக்கு ஏற்ப தனது பைக்குகளை மேம்படுத்தி வரும் பஜாஜ் நிறுவனம், அதில் அவென்ஜர் மற்றும் பல்ஸர் சிரீஸ் பைக்குகளை விரைவில் அறிமுகப்படுத்தும் என எதிர்பார்க்கப்படுகிறது.

 

 

பஜாஜ் பைக்கிலே முதன்முறையாக, LED ஹெட்லைட் & முழுக்க டிஜிட்டல் மீட்டர்கள் இருப்பது இந்த 400சிசி பைக்கில்தான்! கடந்த 2001-ல் பல்ஸரின் வருகைக்குப் பின்பு, எப்படி பட்ஜெட் பெர்ஃபாமென்ஸ் பைக் செக்மென்ட்டில் பெரும் அதிர்வலைகளை உண்டானதோ, அதே போல இந்த Dominar பைக்கும் ஒரு டிரெண்ட் செட்டராக இருக்கப்போகிறது என நிச்சயமாகச் சொல்லலாம். இதனைத் தொடர்ந்து, ஸ்போர்ட்ஸ் பைக் விரும்பிகளைக் கவரும்படியான RS400 பைக்கையும் வருங்காலத்தில் பஜாஜ் தயாரிக்கும் என நம்பலாம்.

Share on Facebook Share on Twitter Share on Google Plus

About Thanniya

This is a short description in the author block about the author. You edit it by entering text in the "Biographical Info" field in the user admin panel.